Trika needs money for Sonja Lang's New Official Toki Pona Book™, so she works on a little passion project. Unfortunately for her, a CERTAIN litigious video game company squashes her work.

sitelen Lasina:

soweli Sika: wa! tenpo ale la mi wile jo e lipu ni!
(lipu: su nanpa tu: tenpo ni la ona li jo e kijetesantakalu mute! tan jan Sonja)
soweli Sika: mi wile jo e mani.
soweli Sika: mi sona e toki ni pi jan Sonja:
jan Sonja: mama mi a! mi wile e waso moku lon supa moku mi pi tenpo suno pana pona!!
tan jan Sonja, jan pali pi toki sin toki pona, jan sitelen pi lipu pu, pi lipu ku, pi lipu su, tenpo sike nanpa mute ale mute luka.
(soweli Sika li kama insa e ilo tawa sewi pi isipin sin, li tawa sewi, li waso, li kama lon tomo tawa sewi pi isipin sin)
(soweli Sika li lukin e sitelen lon tomo tawa sewi, "o pali e sitelen tawa")
soweli Sika: mi o pali e sitelen tawa!
(pali pi sitelen tawa wan li pini la...)
soweli Sika: tenpo suno ni la sina pona tan ni: sina mute li kama lon! o lukin e sitelen tawa mi! sina olin e ona a!
(kulupu sitelen tawa pi soweli Sika li pana e: sitelen tawa kalama pi misa Mawijo. "misa pali Mawijo pi tomo tawa kon telo". musi tan soweli Sika. sitelen kalama tan ilo kalama Sinepon. lawa jasima tenpo sike nanpa mute ale mute luka)
(sitelen tawa li open. misa Mawijo li lawa e tomo tawa telo, li kalama musi uta. misa Mawijo li luka e linja. ilo kalama li kalama. taso tomo tawa telo li anpa e telo tawa anpa. sitelen tawa li pini.)
(toki tawa jan lukin:)
soweli Sika: sitelen tawa ni li pali ala kepeken ken pi kulupu Nintento (nimi esun). (anu jan Okawa Pukupu. anu kulupu Tisuni.) taso sitelen tawa ni li pali sama ijo esun. sina pona tan ni: sina pana e mani sina tawa mi!
soweli Sika: tan sitelen tawa mi la, sina pilin e seme?
soweli Wa, soweli Kopa, monsuta Ken, waso Alija, soweli Ja: o weka--
(ilo kalama lupa li kalama. soweli Sika li open e lupa)
kulupu jan lawa pi kulupu Nintento (jan Mawijo): mi tan Nintento. mi mi tan Nintento. mi tan Nintento. mi mi tan Nintento. u- ta- la la- wa, e mon- si si- na! (utala lawa e monsi sina!)
soweli Sika: oke! oke! mani sina li lon a!
(soweli Sika li pana e mani tawa kulupu Nintento)
jan Mawijo: pona!
(kama la, soweli Sika li jo ala e tomo, li lon leko lipu. soweli Sika li luka e lipu kepeken sitelen nimi "sina pana e moku e mani tawa mi la, mi pali tawa sina")
soweli Sika: mi sona ala e ni: nasin seme la tenpo ike ni li kama ike mute.
(kala Puwenkutan li luka e nena. soweli Sika li pakala wawa suli!)
kala Puwenkutan: a a a!